Про ЄЕП

Нафік нам Європа?
Нас туда й не клич!
Што майдале Чопа,
Нам не треба нич.
Мы ж — до Мерседеса
Цуравий прицеп;
Доста нам з ЄЕСа,
Дайте нам ЄЕП.
Айбо й там не просто,
Бо такі «браты»!
З ними треба остро —
Матом и «на ты».
Ко ж достойно може
Вести нас туда?
Господи муй, Боже,
З сим ціла біда.
Много кандидату,
Но ходь сядь та плач —
Тот сів за рострату,
Сись — старий брехач.
Ще єден — тот злодій,
Ще єден — слабак;
Словом, у народі
Кажут уже так:
— Порятуй нас, Кучмо,
Уд такых халеп!
Нас без тебе скучно
Буде у ЄЕП.
Ко за нас подбає,
За простых людий —
Хытрий Назарбаєв?
Лукашенко злий?
Путін, што нам яйця
Зотре в порошок?!
Кучмо! Оставайся
Ще на третій строк!
Білорусы сало
Нашоє йзідят,
Замість нього мало
Бульбы насадят.
А тоті противні
Руські москалі
Свиснут вшиткі гривні,
А дадут рублі.
И чого вто красти
Мав бы туй казах?
Най буде при власти
Рідний олігарх.
Ун хоть тягне з жеба,
Жулик, айбо свуй;
Нам чужых не треба,
Своїх доста туй.
Сумнівы страшат тя
Типа — не пройти?
Хлопці з Закарпаття
Годні помогти.
Ліпших за йсі спецы
Не найти нігде;
Наллєш дві-три децы —
Всьо тіп-топ буде.
Выбори провести
Справа не тяжка,
Най лиш пан Переста
Сяде в ЦВК.
Зробит, аж не сперти,
Сто й один процент;
Кучмо! З ним до смерти
Будеш президент!
Прячься, руський Ванько,
Втіч, казах, у степ!
Мудрий Кучма-нянько
Нас веде в ЄЕП!
Як стогудній буде
В тебе юбілей,
Покладут тя люде
Прямо в Мавзолей.
Ляжеш, файно вдітий,
Коло Ілліча;
Хоть на тому світі
З ним ся повстрічай.
Трутиме пуд двирі
Камінь в пару тон —
Спочивай у мирі,
Лиш не улізь вон!

Додати коментар

Увага! Наші коментарі модеруються. КОЛИБА вже багато років місце толерантності і ввічливості, тому ми залишаємо за собою право видаляти грубощі, неконструктивну критику і коментарі, що розпалюють міжнаціональну ворожнечу. Дякуємо.

Захисний код
Оновити