Нiч. А спати, гикой вмерти, 
Ни кортиться щось минi - 
Файнi потята у киртi 
Цвiрiнькочуть, ги дурнi. 
Ни дiтвак, и ни хлопчище, 
Бапцi кажу, дрыжачи: 
- Що за потя спiвать, свище, 
Та й ни спить и уночи?! 

Бапка суче тингирицю, 
Й каже: - Крiтко там сиди, 
Бо укусить тя в гузицю 
Пуцаклiш вать чокырдий! 

Урiс я такый ги треба - 
Прадiды сякi были: 
Голова сягає неба, 
Ногы в зимлю ся впняли. 
Рас за дiвку я на свальбi 
Файну бiйку учинив - 
Мiлiцiшта наш, прапав бы, 
У тюрму ня посадив. 

Бапка суче тингирицю, 
Й каже: - Що дадуть, вто iш, 
Бо укусить тя в гузицю 
Чокырдий вать пуцаклiш! 

Ужинився, ги втровився, 
Бо жона, ги чорт, збiсна. 
Ут бiды я рас напився, 
Два - напився, й туйкы - на: 
Посадили ня в фурдигу, 
Ни iды, ни пити - нiт. 
За токан, за мамалигу 
Споминаву, ги за мнiд. 

Бапка суче тингирицю, 
Й каже: - Сiв ись, та сиди, 
Бо укусить тя в гузицю 
Пуцаклiш вать чокырдий! 

Постарiвимся, а дiти 
Поврастали, ги с доры - 
Годовати йих, одiти 
Ни бируву, бо м старый. 
Хворый, сiв собi пут хыжу 
И за вiтром держу нiс. 
Тихо-мовчкы кiстку лижу, 
Що сусiцькый пес принiс! 

Бапка суче тингирицю, 
Й каже: - Писсьоє ни iш, 
Бо укусить тя в гузицю 
Чокырдий вать пуцаклiш!