|
Анничко! Анничко!! Бога я тобi,
Що по правдi нниськы гадаш ты собi:
Я прийшов на свальбу, а ты ни прийшла -
Може ты, Анничко, другого найшла?!..
А на свальбi - танцi, лынгарiв гурба,
Гойкавуть сп'янiло: - Чiя молода?! -
Чiя бы ни была - нащо вна минi! -
Втоплю свою гiю в палинцi, в винi!
Анничко! Ты файна, ги у киртi мак.
Айбо й я вже нниськы бетяр - ни дiтвак:
Дубну собi правов - онь зимля гуде!..
Задарь вже до мене, Анничко, идеш.
А на свальбi - танцi, лынгарiв гурба,
Гойкавуть сп'янiло: - Чiя молода?!-
Чiя бы ни была - нащо вна минi!-
Втоплю свою гiю в палинцi, в винi!
Файнi в мене чiжмы, файный и клебан.
Буть ты собi Анцьов, а я буду Йван:
Ты найшла фрайира - найду й я собi!-
Анничко! Анничко!! Бога я тобi!!!
А на свальбi - танцi, лынгарiв гурба,
Гойкавуть сп'янiло: - Чiя молода?!-
Чiя бы ни была - нащо вна минi! -
Втоплю свою гiю в палинцi, в винi!
Позичено з сайту Івана Петровція http://gafya.narod.ru/
|
